دانيال فكر بسرعة، وعقله كأنه ضابط مباحث: “دي فيها السر.. طالما بيعمل كدة، أكيد دي فيها أدلة.. كاميرات، أو حاجات تخص دي.. عبد العزيز برا مستني في عربيته، فاكر إننا بنهدي اللعب جوة.. لو حس إننا بنتحرك ضده، ويهد كل حاجة.. إحنا لازم نوقعه في شر أعماله ونجيب دليل قاطع .”
مريم بصتله: “ازاي؟
”
دانيال قال: “أنتي هتخرجي مع جني عادي جداً.. وتظهري قدامه إنك مصدقة كلامه وإن المدرس هو اللي متبلي عليه، وتقوليله إنك هتروحي معاه البيت عشان البنت تعبانة.. أركبي معاه العربية، وحاولي تخليه يطمن تماماً.. وفي نفس الوقت، أنا هاخد مفاتيح دي، وهطلع عليها فوراً.. هشوف إيه اللي جوة وهصور كل حاجة تليفوني.. لو لقيت دليل، هكلم النجدة وحقوق الطفل يجوا على والقبض عليه يبقى متلبس وبأدلة متخرش المية.”
مريم خافت: “بس ده خطر عليك يا أستاذ دانيال.. لو كشفك أو لو عرف؟”
دانيال رد بشهامة ابن البلد وصوت قوي: “البنت دي زي بنتي.. وأنا مش هسيب حقها.. وافقي بس ومتخليهوش يشك في أي حاجة.. أتحملي وشوفيه واكتمي غيظك لحد ما نربطه من رقبته.”
وفعلاً، مريم غسلت وش جني، وخرجت بيها برا المدرسة. عبد العزيز كان ساند على عربيتة المرسيدس السودا، أول ما شافهم قرب بلهفة مريبة: “مريم! إيه اللي حصل جوة؟ المدرس المتخلف ده قالك إيه؟”
مريم رسمت الابتسامة بالعافية وقالت بنبرة هادية: “مفيش يا بابا.. ده مدرس مجنون وشكله عايز يعمل حوار عشان يبتزنا بفلوس.. جني كانت معيطة عشان خسرت في اللعبة، وهو كبر الموضوع وعمل فيلم.. أنا بهدلته جوة والمديرة هتجازيه.”
عبد العزيز اتنفس الصعداء، وملامحه رجعت تاني: “أنا قولت كدة برضه.. الأشكال دي لازم تتربى.. ياللا عشان أروحكم.”
ركبت مريم وجني ورا، وعبد العزيز ساق العربية وهو بيحاول يبان طبيعي، بس عينه في المراية كانت بتراقب جني بـ نظرات خلت الطفلة تنكمش في أمها وتكتم أنفاسها. مريم كانت بتضغط على إيد بنتها في سرها إن دانيال يلحق يعمل حاجة.
في الوقت ده، دانيال أخد بتاعه وطار على العنوان اللي مريم وصفتهوله في منطقة باب اللوق في وسط البلد.. عمارة قديمة من طراز فرنسي، مدخلها ضلمة والأسيرانس بتاعها قديم. طلع الدور الرابع وهو قلبه بيدق زي الطبل. وقف قدام الباب الخشبي الكبير، طلع المفتاح وبأيد فتحه ودخل.
الشقة كانت ريحتها تراب وكمكمة، والستائر التقيلة سودا ومقفولة تماما م بتدخلش نقطة نور، زي ما جني قالت “ضلمة”. دانيال فتح كشاف تليفونه وبدأ يتحرك بالراحة. الصالة كانت واسعة وفيها تلفزيون كبير وشاشة ضخمة.. دخل الجوانية.. ولقى سرير صغير عليه ألعاب أطفال وعرايس.. قرب من اللابتوب بذهول، لمس الماوس، الشاشة نورت..
دانيال سمع صوت حركة الأسانسير القديم في المنور برا، وصوت حديد الباب بيقفل.. الراجل طالع، ومعاه مريم .. ودانيال محبوس جوة الشقة والدليل كله في إيده.. لو اتمسك هنا، عبد العزيز معاه سلاح أكيد وممكن يخلص على الكل الس للأبد.
دانيال بص حواليه بسرعة وجنون.. مفيش مخرج.. الباب الرئيسي هو الدخول الوحيد.. الشقة في الدور الرابع ومفيش مواسير قريبة للبلكونة.. صوت خطوات الرجل وباب الأسانسير وهو بيفتح في الدور الرابع بدأ يسمعه بوضوح برا في الممر..
سمع صوت مفتاح بيدخل في كالون الباب الخشبي.. الباب بيتحرك وبيتفتح.. دانيال ملقاش قدامه غير إنه يستخبى ورا الستارة السودا التقيلة اللي في الصالة، ويكتم نفسه تماماً وهو ماسك تليفونه والفلاشة في إيده، وعينيه من ورا القماش.
الباب اتفتح بالكامل.. ودخل عبد العزيز، وراه مريم وهي ماسكة إيد جني اللي كانت بتبكي بصوت صامت وبتترعش.
عبد العزيز قفل الباب وراه بالمفتاح والترباس.. النور كان مطفي، نور الكشاف بتاع عبد العزيز بس هو اللي منور الشقة.. مشي ببرود ودخل الأوضة الجوانية اللي فيها اللابتوب.. فجأة، صوت زعاق عبد العزيز ملا الشقة كلها: “مريييييم!! مين اللي دخل هنا؟! اللابتوب شاشته مفتوحة ومتحرك من مكانه!!”
مريم اتخضت برعب: “مش عارفة يا بابا.. هيكون مين يعني؟!”
عبد العزيز خرج للصالة وعينيه بتطلع شرار، وطلع من جنبه مسدس أسود صغير وصوبّه ناحية مريم وجني وقال بنبرة مرعبة ومختلفة تماماً عن الوقار اللي كان فيه: “أنتي بتغفليني يا مريم؟ المدرس كلمك وقاليك إيه؟ أنتي جايبة حد هنا؟ دي محدش يعرف مكانها ولا معاها مفتاحها غيري أنا وأنتي.. انطقي حالا وإلا هخلص عليكي وعلى بنتك هنا ومحدش هيعرف ليكم طريق!”جني صرخت وركعت في الأرض، ومريم رفعت إيديها وهي بتبكي : “والنبي يا بابا بلاش.. مفيش حد هنا والله!”
