حطيته على الرخامة المتتربة، وحطيت المفتاح المصدي في القفل. المفتاح لف بصعوبة وصوت صرير صلب رن في
المطبخ الفاضي.
فتحته..
ما كانش فيه فلوس ولا أوراق قيمة.
كان فيه عشر أظرف صغيرة.. كل ظرف مكتوب عليه اسم عيل من العيال العشرة.. ومن تحت، كان فيه دفاتركراسات صغيرة، ومدونة يومية.
أحمد مسك الظرف اللي باسمه.. نور مسكت ظرفها.. والعيال كل واحد سحب ظرفه وأيديهم بترتعش.
فتحت المدونة بتاعة حسام.. كانت مليانة كتابات بتاريخ كل سنة:
(12 مايو 2002: النهاردة أحمد اتخرج.. المحامي جابلي صورته وهو لابس روب الهندسية.. كبرت يا أحمد وبقيت راجل.. كان نفسي أكون قاعد في الصف الأول وأسقفلك.. بس صورتك تكفي).
(3 سبتمبر 2008: مريم دخلت العمليات لأول مرة كحكيمة.. المحامي قال لي إنها بقت أشطر تمريض في المستشفى.. ربنا يحفظك يا بنتي).
(15 أكتوبر 2015: نور اتجوزت.. شفت صورتها بالفستان الأبيض.. كانت شبه سامية في شبابها بالضبط.. بكيت النهاردة لحد ما صدري وجعني).
وفي أخر صفحة في المدونة.. مكتوبة بتاريخ قبل وفاته بأسابيع قليلة:
(سامية.. أنا عارف إنك هتفتحي الصندوق ده.. كل خطوة خطيتها في حياتي الغريبة دي كانت عشان اللحظة دي.. أنا سيبتلك في الصندوق ده حاجة أخيره.. حاجة ما حدش يعرفها غيري أنا وأنتِ).
رفعت عيني في الصندوق.. لقيت علبة قطيفة حمرا صغيرة
قديمة جداً، المديد أكل أطرافها.
فتحتها.. كان فيها الخاتم الفضة البسيط اللي كان اشتراهولي عشان شبكتنا قبل ما يختفي بأسبوع.. وجنبه ورقة صغيرة متطوية.
فتحت الورقة الصغنونة.. وكان مكتوب فيها سطر واحد بس بخط إيده:
(سامية.. أنا ما خنتش العهد.. الخاتم ده فضلت شايله في جبي ثلاثين سنة.. والنهارده ردتلك أمانتك.. بس افتكري.. السر الأخير مش في الرسالة.. السر في اللي تحت الصندوق!)
اتثمرت في مكاني.. بصيت لأحمد وأشرف.
“أشرف.. انزل شوف إيه اللي تحت الصندوق في الحفرة!”
أشرف دخل إيده جوة الحفرة اللي كانت تحت البلاطة.. وسحب لفافة قماش سودة كبيرة كانت مدفونة غويط تحت التراب..
أحمد مسك اللفافة، وبدأ يفك القماش..
ولما القماش اتفك.. الصدمة نزلت علينا كأنها صاعقة من السمع!
جوة القماش ما كانش فيه ورق ولا مجوهرات.. كان فيه جواز سفر مصري قديم جداً بأسماء وصور حسام.. وجنبه تقرير طبي رسمى صادر من مستشفى قصر العيني بتاريخ يوم الإثنين اللي اختفى فيه بالضبط!
أحمد فتح التقرير بذهول وقرأ بصوت واطي ومقطوع:
“تقرير طبي للمريض: حسام الألفي.. يثبت التقرير إصابة المريض بفقدان ذاكرة رتعي حاد (Retrograde Amnesia) نتيجة إصابة بالغة في الرأس وتورم دماغي إثر حادث سيارة صباح اليوم الإثنين.. المريض لا يتذكر اسمه ولا هويته ولا
أي تفاصيل عن حياته ما قبل الحادث…”
البيت كله تلف في صمت أرعب من الموت.
بصيت للمحامي إبراهيم بذهول وحيرة.. المحامي وجهه أصفر وزي الجثة!
“أستاذ إبراهيم.. التقرير ده إيه؟ الرسالة اللي أنت جبهالنا بتقول إنه هرب عشان يحمينا من عصابة.. والتقرير ده بيقول إنه فقد الذاكرة يوم ما اختفى!”
المحامي إبراهيم وقف ووراه خطوات للورا، وجسمه كله
بيرتعش، وقال بصوت مرعوب كأنه شاف شبح:
“يا مدام سامية.. أنا.. أنا ما أعرفش حاجة عن التقرير ده! أنا المحامي اللي حسام كلفني من خمس سنين بس في روما.. الرسالة اللي قريتوها فوق أنا نقلتها من كلامه هو وهو على فراش الموت! هو قال لي إن العصابة هددته وهرب عشان يحميكم!”
مسكت التقرير بإيدي.. التاريخ كان دقيق.. يوم الإثنين، الساعة 7 الصبح.. نفس الساعة اللي اختفى فيها!
ده معناه إيه؟
هل حسام عاش ثلاثين سنة فاكر إنه هرب عشان يحمينا من عصابة سيناريو خلقه خياله بعد حادثة الرأس عشان يبرر لنفسه الفراغ اللي في ذاكرته؟
ولا العصابة كانت حقيقة وهو اتصاب في الحادثة وهو هربان؟
ولا التقرير ده مزور؟
ولا الراجل اللي مات في روما.. ما كانش حسام أصلاً؟!
وفي اللحظة دي بالضبط.. وتليفون المحامي إبراهيم رن بصوت عالي مرعب جوة المطبخ الفاضي.
المحامي فتح الخط بإيد بترتعش، وحطه على السبيكر من غير ما يقصد من كتر التوتر.
صوت من الناحية التانية، جاي من النيابة العامة بالقاهرة، قال بوضوح شديد:
“الأستاذ إبراهيم الشاذلي؟ بنبلغك إن التحاليل البصمة
الوراثية (DNA) للجثة اللي تم استلامها من مطار القاهرة الصبح والقادمة من روما باسم حسام الألفي.. طلعت غير مطابقة لعينات أبنائه العشرة! الجثة مش لأبوهم.. وحسام الألفي الحقيقي لسة مسجل حي في السجلات الرسمية!”
وقفت والورقة في إيدي.. المطبخ كان يدور بيا.. والأبواب القديمة بدأت تخبط بفعل الهوا.. والقصة اللي افتكرنا إنها اتفلتت ثلاثين سنة.. طلعت يادوبك بتتفتح من جديد!
