لحد ما وصل قدام فيلا جميله نزل وشالها بنفس الطريقه ودخل بيها على اوضتو. فورا
والدته اتصدمت وبقت تناديله بس قال..دقايق وانزل افهمك يا ماما
سلمى وقفت وقالت بصراخ..انت فاكر انك هتقدر تخليني معاك بالغصب انا هوديك في ستين داهيه ابعد سيبني
عامر فضل ماسكها بيحاول يهديها وقال…اهدي يا سلمى اعقلي مش كده فرهدتيني خلينا نتكلم
سلمى بقت تصرخ وتقول..مش ههدى وهمشي حالا
عامر بصلها بغضب وقال…كده..طيب على راحتك
سلمى بصتلو باستغراب وقبل ما تسأل ضربها بدماغو في دماغها بقوه
سلمى اتسعت عنيها وهيه بتبصلو بزهول وهو سندها بسرعه ووقعت بين اديه
عامر اتنهد ونيمها على السرير وحضنها بقوه وهو بيشبع من قربها اللي اشتاقلو وبيضمها لقلبو بحنيه
فضل جمبها شويه وقام يشوف امه بس لسه هينزل على السلم
وقفته بنت في منتصف العشرين وقالت…عموري حمد الله على سلامة القطه بتاعتك اخيرا قدرت ترجعها الف بركه والله
بصلها بضيق شديد وقال….شوفي بقى اليومين دول متخرجيش من الوضه مش عايز المحك والاحسن ترجعي على شقتك يا غاده لاني بجد مش طايقك بعد الي عملتيه
ضحكت وقالت..بعد اللي عملتو ولا خايف تجرج مشاعر القموره…على العموم احب اطمنك انا قاعده على قلبك وقلبها مش همشي من هنا….وانت اتركن على الجنب لان اللعبه بنا انا والحلوه وملكش مكان فيها يا هيه تخرجني يا انا اخرجها لان القلب لايساع اتنين يا حنين
عامر نفخ بغضب منها ولسه هيتكلم مشت ايدها على بطنها وقالت..ولو اني متأكده انك هتختارني انا لو مش علشاني يبقى علشان ابنك اللي في بطني
عامر لسه هيتكلم سمع خبطه على الارض التفت وراه ولقى سلمى مغمى عليها وووووو
هتختارني انا لو مش علشاني يبقى علشان ابنك اللي في بطني
عامر لسه هيتكلم سمع خبطه على الارض التفت وراه ولقى سلمى مغمى عليها جري عليها بسرعه وهو بيقول ..سلمى سلمى حبيبتي قومي ردي عليا سلمى
وبص لغاده بغضب وقال …انت كنتي شايفاها صح كنت شايفاها اصلا علشان كده بتقولي الكلام البايخ ده
غاده ابتسمت بسخريه وقالت…. انت ليه بتظلمني كده طبعا كنت شايفاها… وضحكت بسخريه وراحت على اوضتها
عامرقال بصوت عالي قاصد يسمعها ….واحده حقوده بجد منك لله ….وشال سلمى وجري بيها على اوضته وحطها على بحزن
مسك ايدها وقال بدموع…. سلمى قومي يا حبيبتي قومي كل ده كذب انا مش عايز غيرك من الدنيا يا سلمى انتي اهم عندي من نفسي ونام جنبها وشدها لحضنه بتعب شديد و راح في نوم عميق وهي بين ايديه
بعد شويه سلمى فاقت وهيه بتفرك جبينها بتعب ولسه هتتحرك لقيته حاضنها بقوه بصت له وابتسمت بدموع بس اختفت ابتسامتها لما افتكرت كلام غاده اللي قالته قعدت بزهول ودموع وقالت ببكا …..انت يا بني ادم انت قوم روحني انا عايزه امشي قوووم
