
وكمان عشا العروسه هيطلع من هنا عندى من الدوار وكمان التالت هيكون من عندى
أنحنى الفلاح مره أخرى ليقبل يده لكن
نادى هو على الغفير
يأمره بأعطاء بعض الاغراض من الدوار لذالك الفلاح
ليأخذ الغفير الفلاح ويخرج
ليعود الغفير بعد قليل
يقول هو چنابك هتحضر زفة بنت الراجل ده
ليرد عليه أيوا أعمل حسابك هتكون معايا
ليرد الغفير بأستغراب.
الزفه مش جد مجام چنابك
دول ناصبين شادر في الشارع
رد عليه
وماله ما دا الى أنا عايزه
أنا عايز البلد كلها تعرف أن أبن الهلاليه رچع من تانى
ثم أكمل قائلا أقعد عايز أستفسر على كذا حاجه سمعتها هنا
جلس صبحى قائلا في خدمتك يا يونس بيه
رد بأختصار مين رشيده بنت السلطان دى
رد رد صبحى.
دى تبقى بنت حسين السلطان أبوها كان عامل زراعى في الجمعيه بتاعة النجع وتقتل من كام سنه في أرضه وكانت بنته دى عندها وقتها سبعة عشر سنه وقالت أن الى قتل أبوها هو راجحى بيه الله يرحمه بس النيابه برائته وهي رفضت تاخد عزى أبوها وقالت أن ليها تار ومش هتاخد عزى أبوها الا أما تاخده الأول
ومن وقتها وهي معاديه لراحجى بيه ودايما بتهاجمه وكمان الناس في البلد بتسمع لكلامها وپتخاف منها.
رد يونس بتعجب پتخاف منها ليه
رد صبحى أصلهم بيقولوا عليها مخاويه جنى من النيل محدش يأذيها الا ويصيبه مكروه بعدها
ضحك يونس قائلا يبقى علشان كده أنا فهمت هي ليه بتعمل كده هي بتخوفكم بأنها مخاويه بتستغل جهلكم.
رد صبحى قائلا لأ يا يونس بيه دى فعلا مخاويه وفي فلاحين شافوها واقفه في النيل بتتكلم مع حد بعد نص الليل أكتر من مره حتى لما أتواقفت قصاد راجحى بيه وكان ھيتهجم عليها بالضړب بعدها بأيام غرق في النيل والناس في النجع بتقول أن الجنى الحارس لها هو الى غرقه في النيل
أبتسم يونس قائلا ماشى هصدقك انها مخاويه أنا عايزها هنا في الدوار عندى بالأمر.
ظهرا
غفى يونس قليلا
ليحلم.
حوريه تخرج من النيل ملثمه أشارت ليقترب منها كأن عيناها مغناطيس تجذبه أليها سار مسحورا الى أن وصل ووقف أمامها
ينظر الى تلك العينان التي تسلط ضوء القمر على سوادها يظهر كالؤلؤه بعيناها
أقترب أكثر وأكثر
يقول أنتى مين أنتى أنسيه ولا حوريه خارجه من النيل أنتى موجوده بالحقيقه ولا بالأحلام بس
لم ترد عليه
رفع يده ليزيل تلك التلثيمه من على وجهها
لكن فجأه
أختفت.
ظل يتلتفت حوله يبحث بعيناه عنها هي ليست بالمكان هل أبتلعها النيل
أستيقظ مخضوض
يتذكر ذالك الحلم الذي يراوده في الأيام الأخيره ومن تلك التي ترافقه فيه لماذا كلما أقترب من رؤية وجهها أختفت.
مساء
كانت رشيده بداخل غرفة العروس تبتسم وتغنى لها مع من يقومون بتذويقها
لتاتى تلك المرأه العجوز تقول
عجبالك يا زينه البنته وتكونى وراء الداير
ضحكت لها بمرح قائله
أدعى لى من جلبك يا ستى الحاچه
دخلت أم العروس تقول.
العمده الچديد شرف يا حاچه في المندره
لتقول رشيده ساخره واه واد الهلاليه عفر عبايته وچاى الزفه
لاه هتجوم الجيامه أكيد
لترد أم العروس
لاه دا شاب شكله مش زى واد عمه الخسيس الجاسى المغرور الى أتجتل وغرق في النيل شكله متخدع ومتعلم علام عالى.
ردت رشيده بتأكيد كل ولاد الهلاليه طبع واحد بس دا ممكن يكون بيخدع أهل البلد في البدايه وبعدها يظهر طبعه الحجيجى ونلاجى نفسنا جدام نسخه تانيه من واد عمه الچبان الخسيس الى كان عايز يستحل أعراض بنات البلد
لتقول أم العروس مش بعيد هموا يلا علشان نلحج العريس على وصول
بينما تلك العروس التي تذوق تشعر أنها تذوق للمۏت فبنهايه هذه الليله قد تكون نهايتها هي الأخرى.
وتذبح بذنب خسيس أستحل ما ليس له لم يكن المۏت كافيا لعقابه.
بعد وقت
وأثناء خروج رشيده من باب البيت تصادمت مع ذالك الشاب ليشتبك طوق جلبابها بمقبض الباب ليشق قطعه من على صدرها ليظهر جزء صغير منه أمام ذالك الأنيق
لتجذب ثيابها عليها سريعا وتخرج دون التحدث أليه
لكن ألقت نظره ساخره عليه.
لكن هو تاه من بين أهداب تلك العينان السوداء كالسماء الصافيه بليلة شتاء غير ممطره لثانى مره يصتطدم بهاو تأتى له بأحلامه كل ليله
تمنى أن يجذب تلك التلثيمه من على وجهها ليرى باقى ملامحها ويتعرف عليها من تكون هل هي حقيقه أم خيال لما عيناها فقط ما يراها
نطق عقله أن يسألها لكن تلجم لسانه حين رأى أحد غفرائه يقطع عليها الطريق يقف أمامها يحدثها
وهى تتركه دون أهتمام لما يقوله لها.
عزم أمره وأشار الى ذالك الغفير ليأتى أليه
آتى أليه الغفير
ليقوم بسؤاله مين الى كانت واقفه قدامك وبتكلمها دى
رد الغفير مين يا يونس بيه ألى بتسأل عليها
رد يونس الى خرجت دلوقتى وكانت مخبيه وشها
وقف الغفير يفكر قائلا معظم النسوان الى خرجوا من جوه مخبين وشهم تقصد مين
رد بتعصب بقولك مين الى كنت واقف قدامها دلوقتى جاوب وقولى مين دى
وقف الغفير مذهولا دون رد لدقائق
اما هو كل ما يفكر فيه هو معرفة.
من تكون تلك الملثمه
هو لا يعلم أنه وقع أسير صاحبة تلك العينان السوداء ذات العشرون عام التي ستكون ند له في العلن
والتى ستلهبه بعشق يحكى عنه لسنوات قادمه.
يتبع
الفصل الثاني
أستيقظت رشيده على صوت صړاخ وعويل
لتصحو مخضوضه
خرجت من الغرفه لتجد والداتها تدخل من باب المنزل و علامات الحزن عليها
تعجبت فالوقت لازال باكرا جدا
أقتربت من والداتها تسألها
كنت فين يا أمى بدرى كده
لم ترد عليها
عادت رشيده سؤالها كنت فين وأيه الصويت ده عند مين
ردت نواره بحزن دا من عند بيت أبو ماجده
ردت بتسرع أيه أبوها ماټ يا حول الله
ردت نواره بحزن يا ريت كان هو كان أكرمله.
نظرت رشيده بتعجب ليه أمال مين الى ماټ
ردت نواره ماجده هي الى ماټت
ذهل عقلها تقول أيه
أستردت نواره حديثها قائله دبحت نفسها بالسکينه
لم يستطيع عقلها التصديق لتقول بذهول ليه أيه الى خلاها تعمل أكده
ردت نواره الشرف هو الى خلاها تعمل أكده
ماجده فرطت في شرفها ولما عريسها عرف أكده أنصدم وبعت لأبوها ولما راح لها وواجها هي دبحت نفسها
لم تعد ساقيها تتحمل لتجلس أرضا وتربع ساقيها وترد.
كدب ماجده مفرطتش في شرفها أنا متأكده أنها أتغصبت ومكنش بأرادتها وأنا عندى الدليل ولازم أظهره وأرجع لها شرفها المسلوب منها
أقتربت نواره وجلست جوارها تقول پخوف أحنا ملناش صالح بيها هي جارتنا بس بلاش يا بتى تتدخلى في الأمر لتتوصمى زيها لو ليا خاطر عندك بلاش تتكلمى هي راحت للى مش غفلان وعارف مين الظالم والمظلوم ويمكن ظلمها يخفف عنها عذاب أنها دبحت نفسها
نظرت رشيده لها تقول لو سكت أبجى بشاركهم في ظلمها.
بالدوار
كان نائما يحلم بها أمامه مد يده ليزيل التلثيمه من على وجهها لكن ككل مره
أستيقظ على صوت طرق باب غرفته
ليسمح الى من يطرق الباب بالدخول
دخلت أحدى الخادمات الى غرفة يونس بعد أن أذن لها بالدخول
لتجده يجلس متكئا بالفراش
لتقف أمامه توطى رأسها تقول
يونس بيه صبحى الغفير جالى أصحى ساعتك علشان عايزك في أمر مهم في المندره
رد يونس تمام أنا صحيت وهنزله بعد شويه هاخد حمام وأنزله.
ردت الخادمه أنا حضرت لساعتك الحمام تحب أحضرلك الفطور أصل العيله كلها لسه نايمين
رد لأ مش جعان دلوجتي انا هتحمم وأنزل
لصبحى بس أعملى لى قهوه مظبوط
لتنصرف الخادمه
تنهد وهو مازال بالفراش قائلا وبعدين وياكى أنت ليه مش عايزه تسيبنى في أحلامى يا بنت السلطان
ليبتسم وهو يتذكر أمس حين سأل الغفير عنها ليقول له دى رشيده بنت حسين السلطان.
تعجب كثيرا فهو أعتقد أن تكون تلك بنت السلطان فهى فتاه ذات طول متوسط وجسد متوسط لا ثمينه ولا نحيفه
كيف قدرت أن تقوم بضړب ذالك الشاب الذي يضاعفها في الطول والجسم
نفض عن عقله لينهض من على فراشه يتجه الى الحمام.
بعد دقائق دخل الى المندره
وقف صبحى له أحتراما قائلا صباح الخير يا يونس بيه أنى أسف لو الأمر مش مهم مكنتش صحيت ساعتك
رد يونس وأيه هو الأمر المهم ده
رد صبحى العروسه بتاعة ليلة أمبارح دبحت حالها.
رد يونس بتفاجؤ أيه وأيه الى خلاها تعمل أكده
أحنى صبحى رأسه قائلا أصلها طلعت لمؤاخذه مش بنت بنوت ولما عريسها عرف جاب أبوها وهي الى دبحت نفسها قدامهم
تفهم يونس حديثه قائلا بأسف ربنا يرحمها ويغفر لها
وبلغت النقطهقسم الشرطه
رد صبحى أيوا والحكيم مضى لهم على تصريح الدفنه وهتندفن بعد صلاة الضهر أنا حبيت أبلغ ساعتك بالأمر علشان ساعتك جولت لى أى حاجه تحصل في النجع يكون عندك خبر بها من الأول.
رد يونس تمام وحضر نفسك هنروح نحضر الدفنه
تعجب صبحى قائلا بس حضرتك هتحضر ليه
دى أكيد هيبقى فيها ناس كتير حكم نجعنا من زمان محصلش فيه حاډثه زى دى والناس ما بتصدق چنازه وتشبع فيها لطم
تحدث يونس قائلا دا واجب وكمان ناخد ثواب من المشى في جنازه.
فاجعه كبيره عروس أمس هي قتيلة اليوم كان ذالك هو حال أهل النجع ولكن حين يتعلق الأمر بالشرف يدخل الى الناس الشعور بالزهو حتى ان كان الشرف مسلوب عنوه لا يهمهم الأهم هو غسل العاړ پالدم.
بعد صلاه الظهر بالمقاپر
وقف والد ماجده يواريها الثري منكس الرأس فأبنته دنست نفسها ليدنس هو الأخر معها ويحمل عارا
كانت صرخات عويل أمها وبعض النساء موجوده
لكن حل الصمت حين دخلت تلك الفتاه
الى المقاپر.
وقفت رشيده بحسره أمام والد ماجده تحدثه بقوه قائله
قولى أرتاحت أما ماجده قټلت نفسها شرفك رجعلك رفعت راسك وسط الخلق
هتحاسبك يوم الله هتبجى خصيمتك
ظلمتها حيه لاعرفت تحميها ومېته وصمتها بعار ملهاش ذنب فيه غير أنها ضعيفه ومحتاجه
غير خۏفها عليك لتسبقها للقتل
ذنبها في رجابتك قبل الى أستحل شرفها وانت ساكت وعارف هو مين.
وجاتلك وجالت لك أرحمنى من الشغل عنده لكن انت عندك حړق السجاير أهم من قوت ولادك وكان لازم هي تشتغل علشان تسد جوعها هي وأمها وأخواتها وكنت مبسوط لما بترجع معاها قوتهم وعمرك ما سألت ليه هي كان نفسها ترتاح من الشغل في مصنع الطوب بتاع الهلاليه هي بنفسها جالت لى أنها طلبت منك أنها تبطل تشتغل في المصنع
هدرت ډمها بدل ما كنت تدور على مين الى أستحل شرفها
كل البلد عارفه هو مين.
رغم أنه ماټ من مده بس لسه في بنات دفعت ولسه يمكن في بنات لسه وجت دفعها لأفعاله الخسيسه معاها هتظهر
كل النجع عارف أن الى أستحل شرف بنتك هو راجحى الهلالى
والى كان يستحق الجتل ألف مره مش مره واحده هو
الظالم قوى من ضعفكم
كلكم
أنا متأكده ان هيجى يوم ويحكم النجع العدل ووقتها هو الى هيحاسب كل أيد أتمدت بشړ على بناته و ولاده
وهيحاسبكم على ضعفكم وسكوتكم للطغيان وهيحاسب
كل خسيس أستحل شرف وعرض بناتها.
وقف يونس يستعجب من تلك التي تتحدث بتلك القوه أمام الناس
من تلك القاسيه التي نطقت بأسم ولد عمه ونعتته بالخسيس
شق صفوف المعزين
ليرى من هى
رأى نفس العيون الذي يراها دائما بأحلامه
وقف أمامها يقول بقوه أنتى مين وأيه دليلك على أتهامك لراجحى الهلالى بالكلام الى قولتيه
ضحكت ساخره تقول
أيه ده ولد الهلالى العمده الچديد بذات نفسه حاضر الچنازه
أمبارح العرس واليوم الجنازه لاه صاحب واچب ولا ملعوب چديد عند الهلاليه.
ډم الجتيله في رجابة الهلاليه
رد پعنف قائلا واعيه لكلامك أنا أجدر أعرفك مين هما الهلاليه الى بتتعدى عليهم
جولى أيه دليلك على حديتك الى جولتيه ولا هي تهم بتعلقيها على روح أنسان مېت عايزه تكسبى من وراه
نظرت له ساخره هكسب أيه عموديه النجع ولا كرسى البرلمان
انا معايا دليل
نظر الى عيناها المتحديه لها قائلا وأيه دليلك أظهريه جدام الخلق.
فتحت يدها لتقول الدليل الى معاى هو مكتوب بخط ماجده بنفسها وهقراه قدام الخلق كلتها
وقفت تقرأ المكتوب وكان
نصه
أنا عارفه أن المكتوب ده مش هيتقرى غير بعد موتى ومتوكده أنك هتقريه جدام الملأ في چنازتى علشان أكده أنا سيبت المكتوب معاكى أمانه.
أنا مش خاطيه زى ما هيتجال عليا أنا أغتصبت من كلب مسعور وفي بنات تانين في المصنع حصل معاهم زيي وهيجى دورهم وهيحصلونى بجرسه مالهمش ذنب فيها غير الفقر الى حواجهم وكمان الخۏف من چبروت ظالم مكنش المۏت عقاپ كافى على أفعاله دا المفروض كان يترمى لكلاب مسعوره تجطع من لحمه حى زى ما جطع في لحم الولايا والبنات
أنا طلبت من خطيبى أبطل شغل عنده من البدايه جالى لاه أحنا محتاجين علشان نجدر نتجوز.
وكمان طلبت من بوى أنه يرحمنى من الشغل عنده في المصنع وجولت له على نظراته الحقيره للبنات وكمان أنه بيمد يده على چسم البنات والى بتصده بتصلب لها ويوجف لها على الواحده ولو كسرت قالب طوب بيوبخها جوى.
أنا مسلمتش له بأرادتى هو أغتصبنى في المصنع بعد ما صرف العمال حبسنى في أوضه چنب فرن المصنع وجالى يا يخدنى يا هيولع بيا فرن المصنع وكمان مش بعيد يولعه ببقيه أخواتى لو لحالى كنت دخلت الفرن برچلى من غير ما أستنى هو يرمينى فيه بس أنا خۏفت على أخواتى التانين ومع ذالك قاومته بس هو كان أجوى منى وبعدها ربنا كأنه كان عايز يرحم بنات البلد وحريمها منه وغرق بس الڠرق كان شويه عليه كيف ما جولت.
دى شهادتى الأخيره وعارفه أنها هتوصل للخلق من بعدى
طوت رشيده الرساله وهي تنظر عيناها الى يونس بتحدى
لكن رد يونس بثبات قائلا منين أصدق أن المكتوب ده من الى بتجولى عليها دى مش يمكن أنتى الى كاتبه المكتوب وجايه تشرفى بيه نفسك جدام الملأ
تدخل أيمن شيخ الجامع محاولا تهدئه الموقف قائلا بهدوء وحدوا الله يا جماعه أحنا في مقاپر والناس دى ليها حرمتها.
لينظر الى رشيده محاولا تهدئتها يقول أذكروا محاسن مواتكم حتى لو كنتى على حق لازم كان يكون بطريقه أهدى من كده
ثم نظر الى يونس قائلا وچنابك كمان لازم يكون عندك طول بال وتحمل لأراء الغير
رد يونس لازم يكون الرأى بالعقل مش بالتهجم والخوض في سيره واحد مېت وعلى الملأ
نظرت ساخره ترد المكتوب أهو خده أنا مبجتيش محتاچاه لأنى جولت الى كان فيه على الملأ كيف مأمنتنى بيه ماجده.
لتعطى له المكتوب وتترك المقاپر مغادره لكن قبل ان تغادر أقتربت من عريس ماجده تنظر له بسخريه تقول طلعت راچل لما فضحتها وأتسببت في مۏتها وأنت عارف ومتوكد أنها مفرطتش بخطرها
وقف يونس لدقائق ينظر الى عيون الناس المصدقه لما قالته
لكن




