– من فلوسك؟
– يوه! أنتِ فاكرة الـ 48 ألف كانوا بيروحوا دوا لعمك حسني؟ عمك حسني بيتعالج على نفقة الشركة اللي كان شغال فيها! الفلوس كانت بتروح لشيرين عشان تجيب لبس ماركات، وتدفع أقساط عربية خطيبها بيمشي بيها يتنطط على خلق الله! وأنا ساكت.. أقول بكره يتعلموا، بكره يحسوا.. لحد ما إيدها اتمدت عليكِ. الإيد اللي تتمد على مراتي.. أقطعها بال قانون يا شروق.
الساعة 11 الظهر.
تليفوني أنا اللي رن. النمرة كانت غريبة.
رديت بصوت متوتر:
– ألو؟
صوت الحاجة ماجدة جه، بس مكنش الصوت المتكبر، السليط، اللي متعودة عليه. كان صوت ، مبشوم، وفي نفس الوقت فيه غل مكتوم:
– يا شروق.. يا بنت الأصول.. قولي لجوزك يعقل. الشارع ماسك علينا سيرة، والستات في العمارة بيبصوا علينا من الشبابيك. أنتِ يرضيكِ حماتك تترمى في الشارع؟
غمضت عيني. الأقلام كانت لسه معلمة على خدي. الوجع النفسي كان أكبر بكتير من الوجع الجسدي.
– يا حاجة ماجدة.. أنتِ ضربتيني 3 أقلام قدام بنتي.. وقولتِ عليا زبالة.. ونسيتِ إن البنت دي حتة منك.
صوت شيرين اتسمع في الخلفية وهي بتزعق وتشد التليفون من أمها:
– ما تترجيهاش يا ماما! دي واحدة بيئة وصُدفة جمعتنا بيها! والله يا شروق لو الشقة دي أتاخدت منا، لأسوحك أنتِ وجوزك في كل مكان! مصطفى سرق ورق أبوي كان شارب حاجة وهو بيبصم!
سمعت مصطفى بيسحب التليفون من إيدي ببطء. حطه على أذنه وقال كلمة واحدة بس:
– 10 دقايق.. والمحضر هيكون عندك يا شيرين. بالبوليس.
سافرنا المقطم.
مصطفى أصر إننا نروح بنفسنا. أخدني أنا وجودي معانا.
– ليه جايبنا يا مصطفى؟
– عشان يشوفوا إن الزمن دار.. واللي كانت بتتطرد، هي اللي بتمتلك.
أول ما وصلنا العمارة في المقطم، الجو كان مشحون. العمارة أربع أدوار، شقة حماتي في دور كامل، منطقة راقية وكل الجيران عارفين بعض.
العربيات مركونة تحت، وشفت خال مصطفى “سيد” واقف تحت العمارة مع اتنين من ولاد أخته. أول ما شافوا عربية مصطفى، جُم يجروا علينا.
مصطفى نزل من العربية بهدوء، وقفل الباب على جودي وعليّا.
– انزل يا مصطفى! انزل يا يا بائع أهلك!
سيد خال مصطفى كان بيرخ وهو بيحرك إيده في الهوا.
مصطفى وقف قدامه بثبات، حط إيده في جيبه وقال:
– ازيك يا خالو سيد.. أظن الشارع مش مكان للمناقشات، ولا أنت حابب الجيران تتفرج على ؟
سيد مسكه من رقبة القميص:
– أنت تكاتب باسمك من ورا أمك؟ أنت نصاب!
في ثانية واحدة، مصطفى مسك إيد خاله، لفتها ورا ضهره وبص له بنظرة تخوف:
– إيدك دي لو اتمدت عليا تاني، هحطك في التخشيبة بتهمة . دي أنا شاريها بفلوسي، والعقد مسجل شهر عقاري من 12 سنة، وعمي حسني هو اللي باعهالي بنفسه بعقد بيع وشراء مسجل ورسومه مدفوعة، عشان يسدد ديونك أنت اللي كنت هتتسجن فيها زمان! نسيت ياض يا سيد؟ نسيت لما جيت تبوس رجلي عشان أطلعك من قضية الشيكات بدون رصيد؟
سيد اتجمد مكانة. وشه اصفرّ زي الليمونة.
ولاد أخته رجعوا خطوة لورا.
مصطفى سابه بزدراء، ومشي ناحية المدخل.
– انزلوا يا شروق.
نزلت وأنا ماسكة إيد جودي. جودي كانت خايفة ومتكلبشة في جيبتي. طلعنا في الاسانسير للدور الثالث.
الباب كان مفتوح على بحري.
الصالة جوه كانت عبارة عن ساحة حرب.
كراتين، شنط هدوم مرمية، والحاجة ماجدة قاعدة على الكنبة بتعيط وبتهز جسمها ورجلها، وشيرين واقفة بتمسك الفازات والتحف وتحطها في شنط.
وعمي حسني.. قاعد في الزاوية، حاطط إيده على وشه، ساكت، كأنه خيال مآتة.
أول ما دخلنا، الحاجة ماجدة رفعت راسها. عينها جت في عيني.
مورمتش ولا دمعت من الحسرة، عينها كانت مليانة كره.
– جاية تتفرجي عليا يا بنت الـ…؟
مصطفى اتكلم بصوت زي الرعد:
– كلمة زيارة زيادة يا أمي.. وهخلي المحامي يرفع عليكِ قضية سب وقذف بالصوت والصورة اللي معايا في التليفون من مبارح!
شيرين جرت على مصطفى:
– أنت بتطردنا يا مصطفى؟ عشان دي؟ دي اللي كانت حافية قبل ما تتجوزك؟
مصطفى بص لشيرين من فوق لتحت:
– “دي” هي اللي صانتني وصانت قرشي، و”دي” هي اللي استحملت قرفك وقرف أمك 8 سنين. أنتِ بقى عملتي إيه؟ أقولك عملتي إيه؟
فتح مصطفى ملف كان شايله تحت ذراعه، ورمى أوراق على الترابيزة.
– دي كشوفات الحسابات البنكية. الـ 48 ألف اللي كنت ببعتهم كل شهر.. أمي كانت بتحول منهم 30 ألف شهرياً لحسابك أنتِ الشخصي يا شيرين. وفي خلال الـ 6 سنين دول، حسابك بقى فيه 2 مليون و100 ألف جنيه!
أنا شهقت:
– إيه؟!
مصطفى كمل وهو بيبص لشيرين اللي عيونها وسعت من
:
– وغير كده.. العربية اللي بره دي، متسجلة باسم خطيبك “إيهاب”.. ومقسطة من حسابي البنكي المباشر بطلب تحويل آلي! يعني أنتِ وأمك كنتم بتسرقوني عين عينك، وجايين النهارده تتكلموا عن الأصول؟
الحاجة ماجدة وقفت على حيلها بذهول، وبصت لشيرين:
– 2 مليون؟ إيهاب مين اللي مكتوب باسمه العربية يا شيرين؟ مش قولتلي إنك حطاهم في وديعة باسمي عشان لما أكبر؟!
شيرين بدأت تترعش وتتلعثم:
– يا.. يا ماما.. إيهاب كان محتاج العربية عشان يشتغل بيها ويفتح بيت..
– يا بنت الكلب!
الحاجة ماجدة هجمت على بنتها شيرين!
الست اللي كانت امبارح
3 أقلام عشان كاس لبن اتقلب، مسكت شعر بنتها “حبيبتها” وجرتها في وسط الصالة، ونازلة فيها ضرب وشتيمة!
– بتسرقيني يا شيرين؟ بتسرقيني أنا وأخوكِ؟ بتعملي لحبيبك قيمة بفلوس أخوكِ وأنا فاكرة إنك بتأمني مستقبلي؟!
الصراخ والضرب اشتد. وشيرين بتصرخ وتستغيث بأبوها.
عمي حسني ما اتحركش من مكانه. كان باصص للفراغ.
وأنا.. واقفة متسمرة.
مصطفى مسك إيدي وإيد جودي، وخرجنا بره الشقة ووقفنا في الممر.
وقف وبص للباب وهو بيسمع أمه وأخته جوه.
– مصطفى.. هنعمل إيه دلوقتي؟
بصلي وابتسم ابتسامة مكسورة:
– المحامي جاي في الطريق معاه رجال الشرطة عشان يستلموا الشقة بتشمع رسمياً، وهتتباع.
– هتبيعها؟
