وقفت مع حسن في مدخل العمارة، إضاءة السلم الهادئة كانت بتعكس ملامحه المرهقة. الراجل كان شبه من المشرحة. دموعه كانت بالعافية وهو بيطلع من جيب بالطوه أوراق مطبقة ومتبهدلة.
“بصي يا شهيرة.. أنا ممرض وعارف أسعار المستشفيات كويس. الفواتير اللي رانيا بتطالبني بيها أرقام خيالية، ولما سألت الحسابات في المستشفى بشكل ودي، أخصائي الحسابات قال لي إن الحساب مدفوع منه جزء كبير كاش من أسبوعين.. قبل الولادة أصلاً! طب الفلوس دي جت منين؟ ولما دخلت ، لقيت الروشتة دي مجدولة بتاريخ القديم، فيها أدوية تثبيت حمل ممنوعة للستات اللي عندهم نفس حالتها الصحية!”
أخدت الورق منه وإيدي بترعش. الخبرة المالية والتحليلية اللي عندي خلتني أربط الخيوط ببعضها بسرعة أرعبتني. مصطفى ورانيا ما كانوش بس بيسرقوا فلوسي عشان يهربوا.. دول كانوا بيخططوا للهروب ده من شهرين، والطفل ده هو كارت الضغط والابتزاز الأخير.
قلت لحسن بصوت واطي ومحسوم: “حسن، اركب معايا العربية فوراً.. الليلة دي مش هتعدي قبل ما نعرف كل حاجة.”
حسن ركب جنبي، وطلعت ببطء من الشارع. ط طول الطريق للمستشفى، كان حسن بيحكي لي عن تحركات رانيا ومصطفى الغريبة في الفترة الأخيرة. مصطفى كان بيبات برة البيت بحجة “اجتماعات شغل مع مستثمرين”، ورانيا كانت بتختفي بالساعات بحجة “متابعة الحمل”.
وصلنا المستشفى على الساعة 2 بالليل. حسن استخدم كارت المرور بتاعه كعامل في القطاع الطبي عشان يدخلني المكاتب الإدارية الخلفية بعيد عن عين الأمن. دخلنا غرفة الأرشيف الطبي بعد ما حسن تقمّص دور الممرض اللي بيدور على ملف تحاليل عاجل.
قعدت على الكومبيوتر، وبفضل خلفيتي في اختراق الثغرات المصرفية والمراجعة، استخدمت حساب أحد الإداريين اللي كان كاتب الباسورد على ستيكي نوت ملزوقة على الشاشة. دخلت على قاعدة بيانات المستشفى الخاصة بالولادات والأنسجة.
وهنا كانت الصدمة الأولى التي نزلت عليا زي الصاعقة.
تقرير فحص فصيلة وأنسجة البيبي الجديد، اللي اتعمل وقت الولادة كإجراء روتيني بسبب الاختلاف في الفصائل، كان معطوف عليه تقرير جيني مبدئي لحالة صحية معينة. الفصيلة كانت (O negative). حسن فصيلته (A positive)، وأنا عارفة إن مصطفى جوزي فصيلته (AB positive).. ومن المستحيل علمياً وبيولوجياً إن راجل فصيلته (AB) يخلف عيل فصيلته (O)!
حسن ما كانش الأب.. ومصطفى كمان ما كانش الأب البيولوجي!
حسن اتسند على التربيزة وشبه أغمى عليه: “يعني ايه؟ يعيييييينيييي إيه يا شهيرة؟! الولد ده ابن مين؟!”
حطيت إيدي على بقه بسرعة: “سكت صوتك خالص! مصطفى ورانيا بيلعبوا بينا إحنا الاتنين! مصطفى فاكر إنه أبوه، ورانيا مقتنعة بكده أو بتضحك عليه هي كمان عشان تاخد فلوسه وفلوسي!”
بس الخيط ما وقفش هنا. نزلت تحت في ملف التمويل والمدفوعات الخاصة بالجناح الـ VIP. لقيت إن الشركة اللي دفعت مصاريف المستشفى هي شركة اسمها “تراست ميديكال”. الشركة دي مش بس مسجلة باسم رانيا، دي شركة استيراد وتصدير أجهزة ومستلزمات طبية.. والمفاجأة الكبرى؟ إن الضامن القانوني للشركة دي هو والدي.. الحاج توفيق!
أبويا؟ أبويا اللي بيعمل نفسه راجل كبير غلبان ومتقاعد ومش حيلته غير معاشه؟ أبويا كان شريك في نقل شحنات وبضائع طبية غير مشروعة بين الشركة دي وبين مستشفيات خاصة مشبوهة!
فهمت كل حاجة في لحظة. السرقة ما كانتش مجرد طمع شخصي من مصطفى ورانيا.. كان فيه شبكة غسيل أموال وتجارة أدوية مغشوشة ومهربة بتدار من ورايا، ومصطفى كان المحامي والمدبر المالي للشبكة، ورانيا كانت الواجهة، وأبويا كان الغطاء العائلي، وأنا.. أنا كنت “البقرة الحلوب” اللي بياخدوا من حساباتها وأسهمها عشان يغطوا العجز المالي لما الشحنات تروح أو الضرايب تزنقهم!
قلت لحسن: “قدامنا ساعتين قبل ما النهار يطلع. لو ما تحركناش دلوقتي، مصطفى هيحس بكره الصبح لما يروح البنك ويلاقي الأسهم ما اتباعتش.”
طلعت تليفوني واتصلت بـ “طارق”، زميل قديم ليا في الرقابة المالية ومباحث الأموال العامة، راجل نزيه وكان يدين ليا بجميل كبير من أيام قضية اختلاس قديمة. حكيت له خطوط العريضة وبعت له صور الملفات اللي سحبتها من أرشيف المستشفى على الواتساب.
طارق قال لي بنبرة حادة وصارمة: “شهيرة.. الكلام ده كبير قوي. شركة تراست ميديكال دي تحت المنظار عندنا من شهرين في قضية تهريب محاليل وأدوية أورام مغشوشة! لو الكلام ده صح، أختك وجوزك وأبوكي متورطين في قضية جنايات أمن دولة! أنتِ جاهزة تقدمي بلاغ رسمي؟”
بلعت ريقي. أختي، جوزي، وأبويا.. أهلي اللي عشت عمري كله أخدمهم وأفديهم بروحي، كانوا بيجهزوا لي سجن أو فقر دائم عشان يعيشوا هم على جثتي.
قلت له بصوت جامد زي الحديد: “أنا جاهزة يا طارق. بس بشرط.. عايزة أوقعهم بالدليل القاطع وهم متلبسين.”
الساعة كانت 5 الصبح. اتفقت مع طارق على خطة محكمة. رجعت البيت بسرعة قبل ما مصطفى يصحى. غيرت وقعدت على السفيرة أعمل نفسي براجع أوراق.
مصطفى صحي الساعة 6:30. خرج من الاوضة وبصل لابتسامتي الهادية بريبة، بس حاول يداري.
“صباح الخير يا حبيبتي.. ايه ده، صاحية بدري كده ليه؟”
قلت له وأنا ببص له بكل حنية مزيفة: “صباح النور يا مصطفى. كنت بجهز أوراق التنازل عن الأسهم.. خلاص هبيعها النهاردة الساعة 10 الصبح أول ما البنك يفتح، والمبلغ كله (3.5 مليون) هينزل في حسابنا المشترك.”
عينيه لمعت بطمع حاول يداريه بابتسامة: “جدعة يا شهيرة! طول عمرك عاقلة وبتفهمي في الأصول! وبخصوص الشقة اللي بابا وماما طلبوها لرانيا؟”
رديت ببساطة: “أنا فكرت في كلام أمي ولقيت عندها حق.. أنا معنديش ولاد، ورانيا أولى بيها. هجيب المحرر العقاري النهاردة الساعة 2 الضهر في بيت أهلي، ونمضي العقود والتنازلات كلنا مرة واحدة.. ونعمل حفلة صغيرة للبيبي.”
مصطفى ما صدقش نفسه. حضنني بقوة وقال: “ربنا يخليكي لينا يا شهيرة.. أنتِ ست البنات!”
كنت حاسة بقرف يهد جبال، بس ماسكة نفسي بالعافية.
في نفس الوقت، كنت متفقة مع حسن. حسن اتصل برانيا على الساعة 9 الصبح وقال لها إنه جاب لها فلوس المستشفى كاش من واحد صاحبه استلفهم منه، وإنه رايح البيت عند أبوها عشان يسلمهم للحاج توفيق وينضوا العقود.
الساعة 2 الضهر.
البيت الكبير بتاع أبويا في حي الأشجار.
