«أنا هتجوز..» مسك بدموع: «ليه يا خالد؟ أنا قصرت معاك في إيه؟ إحنا متخنقناش حتى، لينا سنتين متجوزين عمري ما زعلتك ولا حتى ضايقتك بالكلام». خالد ببرود: «هو ده السبب.. بتسمعي وتنفذي وخلاص من غير تفكير زي الروبوت بالظبط، معندكيش شخصية.. جبانة، لما بزعق فيكي بتكشي».
مسك: «أنا بنفذ علشان واثقة في قراراتك وأنك عمرك ما هتأذيني.. إني أرضيك وأسمع كلامك علشان أَبسطك واريحك مش انعدام شخصية، لما بسكت علشان الموضوع ميكبرش مش خوف.. أنا أول مرة أشوف عيوبك بجد، أنا مصدومة فيك قوي».
خالد ببرود: «أنا مقتنعتش ولسه شايفك جبانة ومعندكيش شخصية.. وأوه، أنا هتجوز برضه.. لو مش عاجبك ممكن تطلقي عادي».
مسك بدموع وكسرة: «أنت بتستغل إني مليش حد غيرك.. أنت عارف إني لو اطلقت مش هعرف أروح فين، فمتكسرنيش».
خالد بلامبالاه: «أنا هتجوز هنا على فكرة.. فأتجز، هتطلقي ولا لأ؟»
مسك: «لا.. موافقة انك تتجوز».
خالد: «تمام، هتيجي معايا علشان تعرفيهم انك موافقة، وأخطبها، أبوها عايز كده».
مسك بحزن وكسرة: «حاضر.. امتى الميعاد؟»
خالد: «بعد يومين».
نتعرف على مسك وخالد:
مسك مقطوعة من شجرة، خريجة تمريض وكانت بتشتغل في نفس المستشفى اللي كان شغال فيها خالد، شافها وحبها وتجوزها، بس هي واخدة إجازة بدون مرتب وطبعا خالد فاكرها استقالت زي ما طلب منها، بس هي خدت إجازة بس. عندها صاحبتين: “ريهام” اللي بتغير منها جامد وبتمثل انها بتحبها.
خالد: دكتور، معندوش غير أخت وأخ؛ رحاب وآدم، وهما ساكنين في الشقة اللي في وشهم وبيحبوا مسك جداً.
طلع خالد شغله، وراحت مسك عند رحاب وآدم علشان تصحيهم يفطروا ويروح آدم مدرسته لأنه في ثانوي، وتروح رحاب جامعتها.
دخلت عند رحاب:
مسك: «رورو اصحي علشان الجامعة..»
رحاب بنوم: «حاضر يا مسك».
مسك: «هروح أشوف أخوكي صاحي ولا نايم».
مسك: «آدم.. آدم..»
مسك بصراخ: «آآآدممم!»
آدم بخضه: «إيه في إيه؟»
مسك بضحك: «مفيش يا قلبي، حوار كل يوم».
آدم بابتسامة: «خلاص، قومت».
مسك: «هجهز الفطار تكون لبست وجيت».
حضرت الأكل وجلست تاكل معهم في حزن. لاحظت رحاب ذلك ولكن لم تتحدث أمام آدم، وقررت أنها لن تذهب للجامعة لتتحدث مع مسك وتقضي معها اليوم.
مشي آدم للمدرسه، وقعدت رحاب مع مسك:
«مالك يا مسك؟ زعلانة ليه؟ خالد اتخانق معاكي؟»
وهنا لم تتحمل مسك وانفجرت باكية:
«أخوكي هيتجوز عليا، وهارروح معاه أخطبهالة!»
رحاب بتفاجؤ: «إيه؟! خالد يعمل كده؟ ده بيعشقك! أكيد في حاجة غلط..»
مسك: «لا، خالد اتغير، مبقاش يحبني، مش ده خالد اللي حبيته».
رحاب: «انت عبيطة؟ مش شايفه ازاي بيغير عليكي؟ ده بيغير عليكي مني أنا وآدم.. أكيد واحدة لافت عليه وضحكت عليه وعملت حركة السهوكة اللي متعرفيش تعمليها».
مسك: «طب أعمل إيه؟»
رحاب: «حاربي علشان جوزك.. طفشيها.. خليه يحبك من أول وجديد.. انتي نفسك اتغيري».
مسك بغباء: «أيوه يعني أعمل إيه؟»
رحاب: «يارب صابرني.. انتي أدرى بجوزك وعارفه هو بيحب إيه وبيكره إيه».
مسك: «حاضر.. ربنا يستر».
وعدا اليومين على خير، وجه وقت الزيارة المكروهة من مسك ورحاب وآدم اللي خالد قالهم يجيوا معاه.
خالد بيربط الكرافات: «يلا يا مسك». وسابها وراح عند رحاب وآدم: «ها، خلصتوا؟»
رحاب وآدم بضيق: «أيوه».
خالد: «طب يلا، وافردوا وشكم شوية».
وذهبوا، وصلوا عند العمارة تحت استغراب مسك، فهذه العمارة التي تسكن بها ريهام صديقتها!
مسك: «خالد، احنا جينا هنا ليه؟ دي ريهام ساكنة هنا!»
خالد بسخرية: «إيه، هي لسه موصلتش؟ أنا جاي أخطب ريهام صاحبتك».
مسك بصدَمات متتالية: «ر.. ري.. ريهام صاحبتي؟!»
خالد: «أهي صاحبتك عرفت تعمل اللي معرفتيش تعمليه.. يلا احنا هنطلع».
طلع وخلفه مسك ورحاب وآدم اللي مصدومين من خالد أكتر من ريهام.
وصلوا وفتحتلهم ريهام، اللي أول ما شافته قعدت تتسهوك وتدلع عليه علشان تغيظ مسك، اللي مش مدية أي رد فعل تحت خوف آدم ورحاب عليها.
ريهام بخبث: «إيه يا مسك ساكتة ليه؟ انتي زعلانة؟ ده انا صاحبتك المفروض تفرحيلي!»
مسك: «مبروك.. تستاهلوا بعض». وسابتهم ومشيت وخدت معاها رحاب وآدم.
