وصلوا البيت وقعدوا هما التلاتة ساكتين لغاية ما آدم اتكلم:
«انت هتسيبيها ليها؟ دي باين عليها خبيثه، مش عارف كنتي مصحباها ازاي! انتي لازم تاخدي حقك منه، خالد ده جوزك تعبتوا لغايه ما جبتوا الشقة وباقي له نصيب في المستشفى، هتسيبيها تاخد كل تعبك؟»
مسك: «مبقتش فارقة معايا.. مش عارفة أثق في مين وأخون مين».
رحاب: «بالعكس، اللي قاله آدم هو الصح.. العيل الصغير عارف مصلحتك أكتر منك».
آدم بتذمر: «متقوليش عيل، أنا راجل!»
مسك برغم حزنها ابتسمت قائلة: «راجل وسيد الرجالة ويعتمد عليك يا حبيبي».
آدم قام وراح: «مش هنسيبك لوحدك تقفي قصادهم.. بيني لهم انك قوية من غيرهم».
وفعلا، حطوا خطة أنهم يحاولوا ينقذوا خالد من إيد ريهام بكل الطرق.
رجع خالد وهو على أخرّه من التلاته، بس كل ده اختفى أول ما دخل ولقى مسك قاعدة مع اخواته بياكلوا فشار وبيتفرجوا على مسرحية، وهي لابسة بيجامة، ورافعة شعرها في كعكة فوضوية وبعض الخصل نازلة على وشها، وحاطة ميكب رقيق خالص مع أنها مش محتاجة.
اتصدم أنها ازاي مش منهارة وبتعيط علشان هيتجوز عليها! معقوله مش فارق معاها؟ طيب بطلت تحبني؟ وعند تلك الفكرة غلي دمه، وكل ده وهما متابعين تعابير وشه بخبث.
آدم: «تعالا يا خالد اتفرج، المسرحية حلوة قوي.. وكمان مسكي عامله شوية فشار إنما إيه تحفة!»
عندما سمع خالد ياء الملكية منه، ثار بركان غيرته.
خالد: «مين يا عيا، اسمها أبلة مسك، دي أكبر منك!»
آدم: «أبلة إيه دي؟ ده هي أكبر مني بـ 5 سنين.. دنت أكبر منها بـ 10 سنين! وبعدين اللي زيها لسه لحد دلوقتي متجوزتش.. دي حتى لو اطلقت هتلاقي العرسان على قفا من يشيل ومش متجوزين وهي جميلة وصغيرة.. دا أنا لو كنت كبير شوية كنت اتجوزتها وحبستها مخلتش حد يشوفها!»
ولم يكمل بسبب نظرة حادة من خالد.
مسك بشهقة: «خالد! انت اتجننت؟ ازاي تعمل كده؟» وراحت لادم: «معلش يا قلبي.. حقك عليا».
ابتسم آدم بخبث لما شاف وش خالد أحمر من الغيرة، فراح قائل: «لو عايزاني مزعلش تعالي اسهري معانا أنا ورحاب للصبح، بكره إجازة ومفيش دراسة».
مسك بحنان حقيقي وهي تمسح على شعره هو ورحاب: «من عيا، أنا عندي أغلى منكم».
وخدتهم من إيدهم وراحت معاهم الشقة التانية وسابت خالد شايط.
أول ما دخلت الشقة، آدم بحنان: «معلش يا مسك، أنا آسف بسببي».
آدم بابتسامة: «يا مسك والله مش زعلان، دا بالعكس أنا فرحان أنه عمل كده».
مسك ورحاب باستغراب: «فرحان أنه ضربك؟! انت أهبل يا ولد؟»
آدم: «بالعكس، ده عرفت أنه لسه بيحبك».
مسك: «ازاي؟»
آدم: «لأنه كان غيران عليكي مني.. انتي قلتي لي قبل كده إن الزفتة اللي عايز يتجوزها شغالة في نفس المستشفى اللي هو بيشتغل فيها صح؟..»
«عاكِلة إجازة وينفع ترجعي؟»
مسك: «أيوه.. وكمان مفيش غير هي وكام وحدة اللي قاعدين هناك من التيم القديم، والباقي ناس جديدة».
آدم: «حلو أوي.. ارجعي الشغل، وبعد كده هقولك على الخطة الجديدة».
رحاب بمزاح: «آه يا خوفي منك يا بدران!».
وفعلاً، راحت وقطعت الإجازة ورجعت تشتغل، وبقى لها أسبوع شغالة، وخالد ميعرفش علشان طلبوه في إسكندرية ييجي يعمل عملية لأنه من الأطباء الممتازين في تخصصه.
بعد ما خلص العملية ورجع تاني، دخل المستشفى وسمع اتنين بيتكلموا:
الشخص الأول: «دي حلوة قوي.. دي عليها عيون حكاية، ولا رقتها وهي بتقولك اتفضل».
التاني: «عندك حق.. دا أنا باروح أخليها تركب لي محاليل وتسحب دم علشان أشوفها.. متعرفش هي متجوزه ولا لأ علشان أتجوزها؟ دي متتسابش! وو.. بص، أهي جت أهي!».
بص خالد علشان يعرف مين اللي بيتكلموا عليها، فاتسمر مكانه لما شاف مسك، وكانت لابسة اليونيفورم بتاع المستشفى وكان لونه أزرق لون عينيها، وعاملة شعرها ديل حصان وبتضحك الضحكة اللي بتسحره.
مسك أول ما شافته، قعدت ترجع لورا لغاية ما لقتش حد في الطرقة وجريت، وهو راح وراها.
خالد: «إنتي إزاي شغاله هنا وأنا معرفش؟ أنا مقبلتش أي حد جديد، وكمان إزاي متخديش أذني يا هانم ولا أنا مليش لازمة؟»
مسك ببرود وثبات رغم خوفها: «أولاً، أنا مسبتش الشغل أنا كنت واخدة إجازة… ثانياً، أنت خسرت الحق في إني أستأذنك في أي حاجة؛ لأنك مستأذنتنيش لما جيت تخطب، أنت بلغتني بقرارك.. زي ما أنا هقولك قراري: إني مش هكمل معاك وهطلق، لاني مش قليلة ومش ناقصني حاجة علشان يبقى جوزي لوحدي.. ليا وبس». وسابته ومشيت.
خالد بذهول مضحك: «مين دي؟ أنا عايز التانية الهادية مش دي!».
رجعت مسك تاني (بس كان فاق من الذهول). «آه نسيت أقولك، إن محدش يعرف انك جوزي، يعرفوا بس إني متجوزة وبس، فياريت متقولش قدامهم إنك مراتي». وبعدين مشيت تاني.
وععدت الأيام ما بين شد وجزر من الاتنين، وغيرة خالد عليها وتطنيشه لريم. وفي يوم، آية صاحبتها عزمتها على فرحها، وراحت هي وخالد وأخواته، وطبعا ريم لأنها صاحبة آية (طبعاً آية متعرفش؛ لأنها كانت مسفارة وبعدين انشغلت في فرحها، ومسك محبتش تعكنن عليها).
راحت مسك مع رحاب وآدم يسلموا على العريس والعروسة، لأن خالد من أول ما جه وريم ماسكة فيه مش مخلياه عارف يروح في حته.
بعد شويه، جه واحد علشان يسأل إذا كانت مسك مخطوبة ولا لأ علشان أعجب بيها، فآدم راح قاله يسأل أخوها الكبير وشاور على خالد.
فراح الراجل لخالد وكانت ريم جنبه.
الراجل: «لو سمحت، ممكن أكلمك في حاجة؟»
خالد باستغراب: «اتفضل».
الراجل: «مش حضرتك عندك اخت؟ أنا أعجبت بيها وعاوز أتقدملها».
خالد: «بس هي لسه مخلصتش جامعة».
الراجل: «بس حضرتك الكابتن اللي معاها لما سألته قالي إنها مخلصة تمريض من سنتين».
خالد بتصحيح: «لا، أختي في تانية صيدلة».
الراجل: «مش دي، أنا قصدي على اختك التانية، أم عيون زرقا اللي لابسة فستان لافندر».
خالد بص لأنه ميعرفش قوي في الألوان، لقي أن رحاب لابسة بيج وهو عارفه، ومسك لابسة درجة فاتحة من البنفسج، فعرف إنه قصده على مسك، فاتعصب وعروق وشه بانت، وريم خافت من شكله.
خالد مسك الراجل من رقبته ونزل فيه: «بقى أنت عاوز تخطب مراتي؟ وبكل بجاحه جاي تطلبها مني؟» ونزل تاني فيه والناس شالوه بالعافيه منه وفوقوا الراجل.
ريم بغضب من خالد لأنه غار على مسك، فعرفت إنه لسه بيحبها: «متسيبها في داهية تاخدها! مش أنت مش طايقها وكنت هطلقها وهتتجوزني أنا بدالها؟ متخليها تغور!».
طبعاً كانت الموسيقى واقفة بسبب خالد.
فآية سمعت واتصدمت! هي كانت عارفة إن ريم بتغير من مسك ومصاحبها كشكل بس، مكنتش تخيله أنها بتكرهها وخدت منها جوزها.
