
آية: «إنتي إزاي كده؟ مكنتش أتخيل إن جواكي الحقد والكره ده.. ولمين؟ لمسك! مسك اللي أطيب خلق الله! مش مسك دي اللي كانت بتساعدك علشان مكنتش ظروفك تسمح تجيبي مراجع، كانت تسهر علشان تعملك تلخيصات ومراجعات علشان تذاكري منها؟ مش مسك دي اللي اتبرعت لك بدمها لما عملتي الحادثة؟ ها، قولي! إنتي ملكيش أمان وغدارة!».
ريم: «مسك.. مسك.. مسك! كل حاجة مسك! أطيب واحدة وأرق واحدة والكل بيحبها! أنا بكرهاا! أيوه، لأنها كانت بتعطف عليا علشان أقل منها، علشان تكسرني وتذلني!».
خالد كان واقف صدمان؛ ازاي سيب الأصيلة الطيبة وياخد وحدة حقودة زي ريم؟
آية موجهة كلامها لخالد: «وأنت يا خالد، أنت أناني وناكر للجميل! سبت اللي وقفت جنبك وساندتك لغاية ما وقفت على رجليك.. أنت عارف مين السبب في تخفيض نسبة شراء أسهم المستشفى؟ مسك! لأنها باعت شقة باباها علشانك ودفعتهم لصاحب المستشفى، وقلتله إنه يخصم الفلوس ويقولك إنه خفضهم علشان أنت دكتور شاطر!».
خالد بذهول: «إنتي بتقولي إيه؟»
رحاب: «أيوه يا خالد، مسك هي اللي دفعتلك الفلوس علشان تبقى شريك، وقالت لي مقولكش علشان متحسش انك أقل قدامها».
حس خالد قد ايه هو ظلم مسك وهيا اللي عملته ورغم اللي كان هيعمله مذلتهوش ومقلتلوش حاجة، حس إنه قدامها ولا حاجة، بص عليها بحب.
خالد: «مسك أنا…»
قاطعته مسك: «اوعا! أنت ولا حاجة.. أنا بقيت بكرهك.. طلقني!».
خالد وقع قلبه فزعا عندما قالت أنها تكرهه: «لا متقوليش كده! مسك حبيبتي، أنت بتحبيني صح؟ أنا.. أنا بحبك والله! أنا آسف سامحيني! أنت رايحة فين..» قالها وهو يلحق بها.
مسك: «سيبني! أنا مش طيقاك..» وجريت.
آدم ورحاب بيبكوا وجريوا وراهم.
بالخارج، كانت مسك تجري وخالد خلفها، فجأة جات عربية ماشية بسرعة عالية، وقفت مسك من الخوف كالَصنم وخالد بيصرخ فيها تتحرك، لغاية ما لحقها في آخر لحظة.
ريم: «أنت رايح فين وسيبني؟ ومالك خايف عليها؟ متسيبها تغور في داهية..»
قاطعها خالد بقرف: «أنا اللي غلطان إني عملت لوحدة زيك حساب، بس أنا اللي استاهل علشان أسب الدهب وأمسك في الصفيح!» وزقها وساق بسرعة وكل شويه يبص على مسك بقلق.
وصلوا المستشفى.
خالد بقلق وصراخ: «حد يجيب ترولي!» ودخلوها أوضة الكشف.
طلع الدكتور…
خالد: «ها يا دكتور، طمني؟»
الدكتور: «متقلقش، شوية توتر طبيعي علشان وضعها».
خالد بعدم فهم: «وضعها.. يعني إيه؟»
الدكتور: «هو حضرتك متعرفش إن المدام حامل؟» وسابه ومشي.
خالد لرحاب وادم وهو مزبهل: «انتو سمعتوا اللي أنا سمعته؟»
رحاب وآدم هزوا راسهم وهما مذهولين: «آه».
بعد شويه جات الممرضة تقولهم إن مسك فاقت.
دخل خالد الأول علشان يتكلم معاها، قعد على الكرسي ومسك إيديها ومسك حاولت تشدها منه بس هو مرضاش.
خالد: «مسك حبيبتي وحياتي وعمري كله.. أنا من غيرك مساويش، أنا آسف يا مراتي وبنتي وكل ماليا، سامحيني وحياتي.. أ…»
نظرت مسك له لوهلة وقالت بحنان وهي تضع يدها على وجهه: «أنا مسامحاك.. مش علشان ابننا، تو تو، أنا مسامحاك علشان خالد محتاج مسك ومسك محتاجة خالد، علشان مسك وخالد ماينفعش يكونوا غير مع بعض.. صح؟»
هز خالد راسه بدموع بشدة وخرج بها من المستشفى.
بعد مرور 3 سنوات:
في الصباح، تمشي طفلة صغيرة على أطراف أصابعها وتفتح إحدى الغرف وتتسلق الفراش وتبدأ بتقبيل والديها بشدة حتى يستيقظا.
خالد: «إيه يا حبيبة بابا، عايزه إيه؟»
ملك: «عاوسه بابا ييجي يلعب مع ملك، وماما تعمل أكل لملك علشان ملك جعانة وبطنها بتعمل صوصو كده يا بابا!».
خالد بحنان: «حاضر يا روح بابا، اطلعي اتفرجي على كارتون لغاية ما أجي أنا وماما».
خرجت ملك ونظر خالد إلى مالكة قلبه واستيقظت مسك.
مسك: «صباح الخير».
خالد: «صباح الفل والياسمين على عيونك يا قلبي… شكراً».
مسك: «على إيه؟»
خالد: «على كل حاجة.. خليتي حياتي جنة.. بحبك».
مسك بابتسامة عاشقة: «بعشقك يا أبو ملك».
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”




